2. පච්චයපච්චනීයං

42. සියා කුසලං ධම්මං පටිච්ච කුසලො ධම්මො උප්පජ්ජෙය්‍ය නහෙතුපච්චයා.

(යථා අනුලොමෙ හෙතුපච්චයො විත්ථාරිතො, එවං පච්චනීයෙපි නහෙතුපච්චයො විත්ථාරෙතබ්බො.)

43. සියා කුසලං ධම්මං පටිච්ච කුසලො ධම්මො උප්පජ්ජෙය්‍ය නආරම්මණපච්චයා… නඅධිපතිපච්චයා… නඅනන්තරපච්චයා… නසමනන්තරපච්චයා… නසහජාතපච්චයා… නඅඤ්ඤමඤ්ඤපච්චයා… නනිස්සයපච්චයා… නඋපනිස්සයපච්චයා… නපුරෙජාතපච්චයා… නපච්ඡාජාතපච්චයා … නආසෙවනපච්චයා… නකම්මපච්චයා… නවිපාකපච්චයා… නආහාරපච්චයා… නඉන්ද්‍රියපච්චයා… නඣානපච්චයා… නමග්ගපච්චයා… නසම්පයුත්තපච්චයා… නවිප්පයුත්තපච්චයා… නොඅත්ථිපච්චයා… නොනත්ථිපච්චයා… නොවිගතපච්චයා… නොඅවිගතපච්චයා.

44. සියා කුසලං ධම්මං පටිච්ච කුසලො ධම්මො උප්පජ්ජෙය්‍ය නහෙතුපච්චයා නආරම්මණපච්චයා….

(යථා අනුලොමෙ එකෙකස්ස පදස්ස එකමූලකං, දුමූලකං, තිමූලකං, චතුමූලකං, යාව තෙවීසතිමූලකං එවං පච්චනීයෙපි විත්ථාරෙතබ්බං. )

(ඛ) තිකඤ්ච පට්ඨානවරං දුකුත්තමං,

දුකං තිකඤ්චෙව තිකං දුකඤ්ච;

තිකං තිකඤ්චෙව දුකං දුකඤ්ච,

ඡ පච්චනීයම්හි නයා සුගම්භීරාති.