2. පච්චයපච්චනීයං

නහෙතුපච්චයො

4. සංකිලිට්ඨසංකිලෙසිකං ධම්මං පටිච්ච සංකිලිට්ඨසංකිලෙසිකො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

අසංකිලිට්ඨසංකිලෙසිකං ධම්මං පටිච්ච අසංකිලිට්ඨසංකිලෙසිකො ධම්මො උප්පජ්ජති නහෙතුපච්චයා – අහෙතුකං අසංකිලිට්ඨසංකිලෙසිකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… අහෙතුකපටිසන්ධික්ඛණෙ…පෙ… අසඤ්ඤසත්තානං එකං මහාභූතං. (සංඛිත්තං.) (1)

(යථා කුසලත්තිකෙ විභත්තං, එවං විභජිතබ්බං.)

සුද්ධං

5. නහෙතුයා ද්වෙ, නආරම්මණෙ පඤ්ච, නඅධිපතියා ඡ, නඅනන්තරෙ පඤ්ච…පෙ… නඋපනිස්සයෙ පඤ්ච, නපුරෙජාතෙ සත්ත, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නආහාරෙ එකං…පෙ… නමග්ගෙ එකං, නසම්පයුත්තෙ පඤ්ච, නවිප්පයුත්තෙ තීණි, නොනත්ථියා පඤ්ච, නොවිගතෙ පඤ්ච. (සංඛිත්තං.)