(219) 2. අරහන්තවණ්ණකථා

909. අරහන්තානං වණ්ණෙන අමනුස්සා මෙථුනං ධම්මං පටිසෙවන්තීති? ආමන්තා. අරහන්තානං වණ්ණෙන අමනුස්සා පාණං හනන්ති…පෙ… අදින්නං ආදියන්ති, මුසා භණන්ති, පිසුණං භණන්ති, ඵරුසං භණන්ති, සම්ඵං පලපන්ති, සන්ධිං ඡින්දන්ති, නිල්ලොපං හරන්ති, එකාගාරිකං කරොන්ති, පරිපන්ථෙ තිට්ඨන්ති, පරදාරං ගච්ඡන්ති, ගාමඝාතකං කරොන්ති…පෙ… නිගමඝාතකං කරොන්තීති? න හෙවං වත්තබ්බෙ…පෙ….

අරහන්තවණ්ණකථා නිට්ඨිතා.