2. දුකමාතිකා

හෙතුගොච්ඡකං

1. (ක) හෙතූ ධම්මා.

(ඛ) න හෙතූ ධම්මා.

2. (ක) සහෙතුකා ධම්මා.

(ඛ) අහෙතුකා ධම්මා.

3. (ක) හෙතුසම්පයුත්තා ධම්මා.

(ඛ) හෙතුවිප්පයුත්තා ධම්මා.

4. (ක) හෙතූ චෙව ධම්මා සහෙතුකා ච.

(ඛ) සහෙතුකා චෙව ධම්මා න ච හෙතූ.

5. (ක) හෙතූ චෙව ධම්මා හෙතුසම්පයුත්තා ච.

(ඛ) හෙතුසම්පයුත්තා චෙව ධම්මා න ච හෙතූ.

6. (ක) න හෙතූ ඛො පන ධම්මා සහෙතුකාපි.

(ඛ) අහෙතුකාපි.

හෙතුගොච්ඡකං.

චූළන්තරදුකං

7. (ක) සප්පච්චයා ධම්මා.

(ඛ) අප්පච්චයා ධම්මා.

8. (ක) සඞ්ඛතා ධම්මා.

(ඛ) අසඞ්ඛතා ධම්මා.

9. (ක) සනිදස්සනා ධම්මා.

(ඛ) අනිදස්සනා ධම්මා.

10. (ක) සප්පටිඝා ධම්මා.

(ඛ) අප්පටිඝා ධම්මා.

11. (ක) රූපිනො ධම්මා.

(ඛ) අරූපිනො ධම්මා.

12. (ක) ලොකියා ධම්මා.

(ඛ) ලොකුත්තරා ධම්මා.

13. (ක) කෙනචි විඤ්ඤෙය්‍යා ධම්මා.

(ඛ) කෙනචි න විඤ්ඤෙය්‍යා ධම්මා.

චූළන්තරදුකං.

ආසවගොච්ඡකං

14. (ක) ආසවා ධම්මා.

(ඛ) නො ආසවා ධම්මා.

15. (ක) සාසවා ධම්මා.

(ඛ) අනාසවා ධම්මා.

16. (ක) ආසවසම්පයුත්තා ධම්මා.

(ඛ) ආසවවිප්පයුත්තා ධම්මා.

17. (ක) ආසවා චෙව ධම්මා සාසවා ච.

(ඛ) සාසවා චෙව ධම්මා නො ච ආසවා.

18. (ක) ආසවා චෙව ධම්මා ආසවසම්පයුත්තා ච.

(ඛ) ආසවසම්පයුත්තා චෙව ධම්මා නො ච ආසවා.

19. (ක) ආසවවිප්පයුත්තා ඛො පන ධම්මා සාසවාපි.

(ඛ) අනාසවාපි.

ආසවගොච්ඡකං.

සංයොජනගොච්ඡකං

20. (ක) සංයොජනා ධම්මා.

(ඛ) නො සංයොජනා ධම්මා.

21. (ක) සංයොජනියා ධම්මා.

(ඛ) අසංයොජනියා ධම්මා.

22. (ක) සංයොජනසම්පයුත්තා ධම්මා.

(ඛ) සංයොජනවිප්පයුත්තා ධම්මා.

23. (ක) සංයොජනා චෙව ධම්මා සංයොජනියා ච.

(ඛ) සංයොජනියා චෙව ධම්මා නො ච සංයොජනා.

24. (ක) සංයොජනා චෙව ධම්මා සංයොජනසම්පයුත්තා ච.

(ඛ) සංයොජනසම්පයුත්තා චෙව ධම්මා නො ච සංයොජනා.

25. (ක) සංයොජනවිප්පයුත්තා ඛො පන ධම්මා සංයොජනියාපි.

(ඛ) අසංයොජනියාපි.

සංයොජනගොච්ඡකං.

ගන්ථගොච්ඡකං

26. (ක) ගන්ථා ධම්මා.

(ඛ) නො ගන්ථා ධම්මා.

27. (ක) ගන්ථනියා ධම්මා.

(ඛ) අගන්ථනියා ධම්මා.

28. (ක) ගන්ථසම්පයුත්තා ධම්මා.

(ඛ) ගන්ථවිප්පයුත්තා ධම්මා.

29. (ක) ගන්ථා චෙව ධම්මා ගන්ථනියා ච.

(ඛ) ගන්ථනියා චෙව ධම්මා නො ච ගන්ථා.

30. (ක) ගන්ථා චෙව ධම්මා ගන්ථසම්පයුත්තා ච.

(ඛ) ගන්ථසම්පයුත්තා චෙව ධම්මා නො ච ගන්ථා.

31. (ක) ගන්ථවිප්පයුත්තා ඛො පන ධම්මා ගන්ථනියාපි.

(ඛ) අගන්ථනියාපි.

ගන්ථගොච්ඡකං.

ඔඝගොච්ඡකං

32. (ක) ඔඝා ධම්මා.

(ඛ) නො ඔඝා ධම්මා.

33. (ක) ඔඝනියා ධම්මා.

(ඛ) අනොඝනියා ධම්මා.

34. (ක) ඔඝසම්පයුත්තා ධම්මා.

(ඛ) ඔඝවිප්පයුත්තා ධම්මා.

35. (ක) ඔඝා චෙව ධම්මා ඔඝනියා ච.

(ඛ) ඔඝනියා චෙව ධම්මා නො ච ඔඝා.

36. (ක) ඔඝා චෙව ධම්මා ඔඝසම්පයුත්තා ච.

(ඛ) ඔඝසම්පයුත්තා චෙව ධම්මා නො ච ඔඝා.

37. (ක) ඔඝවිප්පයුත්තා ඛො පන ධම්මා ඔඝනියාපි.

(ඛ) අනොඝනියාපි.

ඔඝගොච්ඡකං.

යොගගොච්ඡකං

38. (ක) යොගා ධම්මා.

(ඛ) නො යොගා ධම්මා.

39. (ක) යොගනියා ධම්මා.

(ඛ) අයොගනියා ධම්මා.

40. (ක) යොගසම්පයුත්තා ධම්මා.

(ඛ) යොගවිප්පයුත්තා ධම්මා.

41. (ක) යොගා චෙව ධම්මා යොගනියා ච.

(ඛ) යොගනියා චෙව ධම්මා නො ච යොගා.

42. (ක) යොගා චෙව ධම්මා යොගසම්පයුත්තා ච.

(ඛ) යොගසම්පයුත්තා චෙව ධම්මා නො ච යොගා.

43. (ක) යොගවිප්පයුත්තා ඛො පන ධම්මා යොගනියාපි.

(ඛ) අයොගනියාපි.

යොගගොච්ඡකං.

නීවරණගොච්ඡකං

44. (ක) නීවරණා ධම්මා.

(ඛ) නො නීවරණා ධම්මා.

45. (ක) නීවරණියා ධම්මා.

(ඛ) අනීවරණියා ධම්මා.

46. (ක) නීවරණසම්පයුත්තා ධම්මා.

(ඛ) නීවරණවිප්පයුත්තා ධම්මා.

47. (ක) නීවරණා චෙව ධම්මා නීවරණියා ච.

(ඛ) නීවරණියා චෙව ධම්මා නො ච නීවරණා.

48. (ක) නීවරණා චෙව ධම්මා නීවරණසම්පයුත්තා ච.

(ඛ) නීවරණසම්පයුත්තා චෙව ධම්මා නො ච නීවරණා.

49. (ක) නීවරණවිප්පයුත්තා ඛො පන ධම්මා නීවරණියාපි.

(ඛ) අනීවරණියාපි.

නීවරණගොච්ඡකං.

පරාමාසගොච්ඡකං

50. (ක) පරාමාසා ධම්මා.

(ඛ) නො පරාමාසා ධම්මා.

51. (ක) පරාමට්ඨා ධම්මා.

(ඛ) අපරාමට්ඨා ධම්මා.

52. (ක) පරාමාසසම්පයුත්තා ධම්මා.

(ඛ) පරාමාසවිප්පයුත්තා ධම්මා.

53. (ක) පරාමාසා චෙව ධම්මා පරාමට්ඨා ච.

(ඛ) පරාමට්ඨා චෙව ධම්මා නො ච පරාමාසා.

54. (ක) පරාමාසවිප්පයුත්තා ඛො පන ධම්මා පරාමට්ඨාපි.

(ඛ) අපරාමට්ඨාපි.

පරාමාසගොච්ඡකං.

මහන්තරදුකං

55. (ක) සාරම්මණා ධම්මා.

(ඛ) අනාරම්මණා ධම්මා.

56. (ක) චිත්තා ධම්මා.

(ඛ) නො චිත්තා ධම්මා.

57. (ක) චෙතසිකා ධම්මා.

(ඛ) අචෙතසිකා ධම්මා.

58. (ක) චිත්තසම්පයුත්තා ධම්මා.

(ඛ) චිත්තවිප්පයුත්තා ධම්මා.

59. (ක) චිත්තසංසට්ඨා ධම්මා.

(ඛ) චිත්තවිසංසට්ඨා ධම්මා.

60. (ක) චිත්තසමුට්ඨානා ධම්මා.

(ඛ) නො චිත්තසමුට්ඨානා ධම්මා.

61. (ක) චිත්තසහභුනො ධම්මා.

(ඛ) නො චිත්තසහභුනො ධම්මා.

62. (ක) චිත්තානුපරිවත්තිනො ධම්මා.

(ඛ) නො චිත්තානුපරිවත්තිනො ධම්මා.

63. (ක) චිත්තසංසට්ඨසමුට්ඨානා ධම්මා.

(ඛ) නො චිත්තසංසට්ඨසමුට්ඨානා ධම්මා.

64. (ක) චිත්තසංසට්ඨසමුට්ඨානසහභුනො ධම්මා.

(ඛ) නො චිත්තසංසට්ඨසමුට්ඨානසහභුනො ධම්මා.

65. (ක) චිත්තසංසට්ඨසමුට්ඨානානුපරිවත්තිනො ධම්මා.

(ඛ) නො චිත්තසංසට්ඨසමුට්ඨානානුපරිවත්තිනො ධම්මා.