1. ඛන්ධො

228. රූපක්ඛන්ධො කතිහි ඛන්ධෙහි කතිහායතනෙහි කතිහි ධාතූහි සම්පයුත්තොති? නත්ථි. කතිහි විප්පයුත්තො? චතූහි ඛන්ධෙහි එකෙනායතනෙන සත්තහි ධාතූහි විප්පයුත්තො; එකෙනායතනෙන එකාය ධාතුයා කෙහිචි විප්පයුත්තො.

229. වෙදනාක්ඛන්ධො… සඤ්ඤාක්ඛන්ධො… සඞ්ඛාරක්ඛන්ධො තීහි ඛන්ධෙහි එකෙනායතනෙන සත්තහි ධාතූහි සම්පයුත්තො; එකෙනායතනෙන එකාය ධාතුයා කෙහිචි සම්පයුත්තො. කතිහි විප්පයුත්තො? එකෙන ඛන්ධෙන දසහායතනෙහි දසහි ධාතූහි විප්පයුත්තො; එකෙනායතනෙන එකාය ධාතුයා කෙහිචි විප්පයුත්තො.

230. විඤ්ඤාණක්ඛන්ධො තීහි ඛන්ධෙහි සම්පයුත්තො; එකෙනායතනෙන එකාය ධාතුයා කෙහිචි සම්පයුත්තො. කතිහි විප්පයුත්තො? එකෙන ඛන්ධෙන දසහායතනෙහි දසහි ධාතූහි විප්පයුත්තො; එකෙනායතනෙන එකාය ධාතුයා කෙහිචි විප්පයුත්තො.