4. අඩ්ඪසමවුත්තිනිද්දෙස-චතුත්ථපරිච්ඡෙද

107. විසමෙ යදි සා ස,ල,ගා සමෙ,

භ,ත්තයතො ගරුකා වු’පචිත්තං.

108. භ,ත්තයතො යදි ගා දුතමජ්ඣා;

යදි පුනරෙ’ව භවන්ති න, ජා ජ්‍යා.

109. යදි ස,ත්තිතයං ගරුයුත්තං,

වෙගවතී යදි භ,ත්තිතයා ගා.

110. තො ජො විසමෙ රතො ගරූ චෙ;

ස්මා ජ්ගා භද්දවිරාජ මෙත්ථ ගො චෙ.

111. විසමෙ ස, ජා ස,ගරු,යුත්තා;

කෙතුමතී සමෙ භ,ර,න,ගා ගො.

112. ආඛ්‍යානකී තා විසමෙ ජ, ගා ගො; (ඉන්දවජිර)

ජ,තා ජ,ගා ගො තු සමෙ’ථ පාදෙ. (උපෙන්දවජිර)

113. ජ,තා ජ,ගා ගො විසමෙ සමෙ තු; (උපෙන්දවජිර)

තා ජො ග,ගා චෙ විපරීතපුබ්බා. (ඉන්දවජිර)

114. ස,ස,තො ස,ල,ගා විසමෙ සමෙ;

න,භ,භ,රා භවතෙ හරිණප්ලුතා.

115. යදි න,න,ර,ල,ගා න,ජා ජ,රා,

යදි ච තදා’පරවත්ත මිච්ඡති.

116. විසම මුපගතා න,නා ර,යා චෙ;

න,ජ,ජ,ර,ගා සමකෙ ච පුප්ඵිතග්ගා.

ද්වයං මිදං වෙතාලීය’ප්පභෙදො.

117. සා යවාදිකා මතී ර,ජා ර,ජා ත්ව,

සමෙ සමෙ ජ,රා ජ,රා ගරූ භවෙය්‍යුං.

ඉති වුත්තොදයෙ ඡන්දසි අඩ්ඪසමවුත්තිනිද්දෙසො නාම

චතුත්ථො පරිච්ඡෙදො.