7. ගබ්භිනීවග්ග, 3. තතිය සික්ඛාපුච්ඡා

පුච්ඡා – ද්වෙ වස්සානි ආවුසො ඡසු ධම්මෙසු අසික්ඛිතසික්ඛං සික්ඛමානං වුට්ඨාපෙන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලා භික්ඛුනියො ආරබ්භ පඤ්ඤත්තං, සම්බහුලා භන්තෙ භික්ඛුනියො ද්වෙ වස්සානි ඡසු ධම්මෙසු අසික්ඛිතසික්ඛං සික්ඛමානං වුට්ඨාපෙසුං, තස්මිං භන්තෙ වත්ථුස්මිං පඤ්ඤත්තං.