5. චිත්තාගාරවග්ග, 9-10. නවම, දසම සික්ඛාපුච්ඡා

පුච්ඡා – තිරච්ඡානවිජ්ජං ආවුසො පරියාපුණන්තියා ච වාචෙන්තියා ච පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියා භික්ඛුනියො ආරබ්භ පඤ්ඤත්තං, ඡබ්බග්ගියා භන්තෙ භික්ඛුනියො තිරච්ඡානවිජ්ජං පරියාපුණිංසුචෙව වාචෙසුඤ්ච, තස්මිං භන්තෙ වත්ථුස්මිං පඤ්ඤත්තං.

පුච්ඡා – භික්ඛු පන ආවුසො තාදිසං තිරච්ඡානවිජ්ජං පරියාපුණන්තො ච වාචෙන්තො ච කිං නාම ආපත්තිං ආපජ්ජති.

විස්සජ්ජනා – දුක්කටං භන්තෙ ආපත්තිං ආපජ්ජති.