2. කොසියවග්ග 5. නිසීදනසන්ථත සික්ඛාපුච්ඡා

පුච්ඡා – යං තෙන ආවුසො භගවතා…පෙ… සම්මාසම්බුද්ධෙන අනාදියිත්වා පුරාණසන්ථතස්ස සාමන්තා සුගතවිදත්තිං නවං නිසීදනසන්ථතං කාරාපෙන්තස්ස නිස්සග්ගියං පාචිත්තියං කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සම්බහුලෙ භන්තෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ සන්ථතානි උජ්ඣිත්වා ආරඤ්ඤිකං පිණ්ඩපාතිකඞ්ගං පංසුකූලකඞ්ගං සමාදියිංසු, තස්මිං භන්තෙ වත්ථුස්මිං පඤ්ඤත්තං.