8. සහධම්මිකවග්ග 10. ඡන්දං අදත්වාගමන සික්ඛාපුච්ඡා

පුච්ඡා – සඞ්ඝෙ ආවුසො විනිච්ඡකථාය වත්තමානාය ඡන්දං අදත්වා උට්ඨායාසනා පක්කමන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ අඤ්ඤතරං භික්ඛුං ආරබ්භ පඤ්ඤත්තං, අඤ්ඤතරො භන්තෙ ඡබ්බග්ගියො භික්ඛු සඞ්ඝෙ විනිච්ඡයකථාය වත්තමානාය ඡන්දං අදත්වා උට්ඨායාසනා පක්කාමි, තස්මිං භන්තෙ වත්ථුස්මිං පඤ්ඤත්තං.