8. සහධම්මිකවග්ග, 1. සහධම්මික සික්ඛාපුච්ඡා
පුච්ඡා – භික්ඛූහි ආවුසො සහධම්මිකං වුච්චමානෙන න තාවාහං ආවුසො එතස්මිං සික්ඛාපදෙ සික්ඛිස්සාමි, යාව න අඤ්ඤං භික්ඛුං බ්‍යත්තං විනයධරං පරිපුච්ඡිස්සාමීති භණන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.
විස්සජ්ජනා – කොසම්බියං භන්තෙ ආයස්මන්තං ඡන්නං ආරබ්භ පඤ්ඤත්තං, ආයස්මා භන්තෙ ඡන්නො භික්ඛූහි සහධම්මිකං වුච්චමානො න තාවාහං ආවුසො එතස්මිං සික්ඛාපදෙ සික්ඛිස්සාමි, යාව න අඤ්ඤං භික්ඛුං බ්‍යත්තං විනයධරං පරිපුච්ඡිස්සාමීති භණි, තස්මිං භන්තෙ වත්ථුස්මිං පඤ්ඤත්තං.