6. සුරාපානවග්ග, 7. නහාන සික්ඛාපුච්ඡා

පුච්ඡා – ඔරෙනද්ධමාසං ආවුසො නහායන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ රාජානම්පි පස්සිත්වා න මත්තං ජානිත්වා නහායිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – කස්ස ආවුසො වචනං.

විස්සජ්ජනා – භගවතො භන්තෙ වචනං අරහතො සම්මාසම්බුද්ධස්ස.

පුච්ඡා – කෙනාවුසො ආභතං.

විස්සජ්ජනා – පරම්පරාය භන්තෙ ආභතං.

පුච්ඡා – අත්ථි නුඛො ආවුසො එත්ථ කොචිපි විරුද්ධදොසො.

විස්සජ්ජනා – නත්ථි භන්තෙ.

සුණාතු මෙ භන්තෙ සඞ්ඝො…පෙ… සංගායෙය්‍යාම.

පුච්ඡා – යං තෙන ආවුසො…පෙ… සම්මාසම්බුද්ධෙන අනාදියිත්වා තිණ්ණං දුබ්බණ්ණකරණානං අඤ්ඤතරං දුබ්බණ්ණකරණං නවං චීවරං පරිභුඤ්ජන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ අත්තනො චීවරං න සඤ්ජානිංසු, තස්මිං භන්තෙ වත්ථුස්මිං පඤ්ඤත්තං.