5. අචෙලකවග්ග 8-9-10. උය්‍යුත්තසෙනා චසො සික්ඛාපුච්ඡා
පුච්ඡා – උය්‍යුත්තං ආවුසො සෙනං දස්සනාය ගච්ඡන්තස්ස ච අතිරෙකතිරත්තං සෙනාය වසන්තස්ස ච උය්‍යොධිකං ගච්ඡන්තස්ස ච පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.
විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ උය්‍යුත්තං සෙනං දස්සනාය අගමංසු, තෙයෙව භන්තෙ ඡබ්බග්ගියා භික්ඛූ අතිරෙකතිරත්තං සෙනාය වසිංසු, තෙයෙව භන්තෙ ඡබ්බග්ගියා භික්ඛූ උය්‍යොධිකං අගමංසු, තස්මිං භන්තෙ වත්ථුස්මිං පඤ්ඤත්තං.