5. අචෙලකවග්ග, 2. උය්‍යොජන සික්ඛාපුච්ඡා
පුච්ඡා – භික්ඛුං එහාවුසො ගාමංවා නිගමංවා පිණ්ඩාය පවිසිස්සාමාති තස්ස දාපෙත්වාවා අදාපෙත්වාවා උය්‍යොජෙන්තස්ස ආවුසො පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.
විස්සජ්ජනා – සාවත්ථියං භන්තෙ ආයස්මන්තං උපනන්දං සක්‍යපුත්තං ආරබ්භ පඤ්ඤත්තං, ආයස්මා භන්තෙ උපනන්දො සක්‍යපුත්තො භික්ඛු එහාවුසො ගාමං පිණ්ඩාය පවිසිස්සාමාති තස්ස අදාපෙත්වා උය්‍යොජෙසි, තස්මිං භන්තෙ වත්ථුස්මිං පඤ්ඤත්තං.