1. චීවරවග්ග 10. රාජ සික්ඛාපුච්ඡා
පුච්ඡා – අතිරෙකතික්ඛත්තුං ආවුසො චොදනාය අතිරෙක ඡක්ඛත්තුං ඨානෙන චීවරං අභිනිප්ඵාදෙන්තස්ස නිස්සග්ගියං පාචිත්තියං භගවතා කත්ථ පඤ්ඤත්තං.
විස්සජ්ජනා – සාවත්ථියං භන්තෙ පඤ්ඤත්තං.
පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තං.
විස්සජ්ජනා – ආයස්මන්තං භන්තෙ උපනන්දං සක්‍යපුත්තං ආරබ්භ පඤ්ඤත්තං, ආයස්මා භන්තෙ උපනන්දො සක්‍යපුත්තො උපාසකෙන අජ්ජණ්හො භන්තෙ ආගමෙහීති වුච්චමානො නාගමෙසි, තස්මිං භන්තෙ වත්ථුස්මිං පඤ්ඤත්තං.