2. භූතගාමවග්ගො, 1. භූතගාම සික්ඛාපුච්ඡා

පුච්ඡා – භූතගාමපාතබ්‍යතාය පාචිත්තියං ආවුසො භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ආළවියං භන්තෙ ආළවිකෙ භික්ඛූ ආරබ්භ පඤ්ඤත්තං, ආළවිකා භන්තෙ භික්ඛූ රුක්ඛං ඡින්දිං සු, තස්මිං භන්තෙ වත්ථුස්මිං පඤ්ඤත්තං.

2. භූතගාමවග්ග, 2. අඤ්ඤවාදක සික්ඛාපුච්ඡා

පුච්ඡා – අඤ්ඤවාදකෙ විහෙසකෙ පාචිත්තියං ආවුසො භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – කොසම්බියං භන්තෙ ආයස්මන්තං ඡන්නං ආරබ්භ පඤ්ඤත්තං, ආයස්මා භන්තෙ ඡන්නො සඞ්ඝමජ්ඣෙ ආපත්තියා අනුයුඤ්ජීයමානො අඤ්ඤෙනඤ්ඤං පටිචරි, තස්මිං භන්තෙ වත්ථුස්මිං පඤ්ඤත්තං.