1. මුසාවාදවග්ගො, 8. භූතාරොචන සික්ඛාපුච්ඡා

පුච්ඡා – අනුපසම්පන්නස්ස ආවුසො උත්තරිමනුස්සධම්මං භූතං ආරොචෙන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – වෙසාලියං භන්තෙ වග්ගුමුදාතීරියෙ භික්ඛූ ආරබ්භ පඤ්ඤත්තං, වග්ගුමුදාතීරියා භන්තෙ භික්ඛූ ගිහීනං අඤ්ඤමඤ්ඤස්ස උත්තරිමනුස්සධම්මස්ස වණ්ණං භාසිංසු, තස්මිං භන්තෙ වත්ථුස්මිං පඤ්ඤත්තං.