1. මුසාවාදවග්ගො, 2-3. ඔමසවාද, පෙසුඤ්ඤ සික්ඛාපුච්ඡා

පුච්ඡා – ඔමසවාදෙ පාචිත්තියඤ්ච ආවුසො භික්ඛුපෙසුඤ්ඤෙ පාචිත්තියඤ්ච භගවතා කත්ථපඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං, ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ භික්ඛූහි සද්ධිං භණ්ඩන්තා ඔමසිංසු තස්මිංච වත්ථුස්මිං, ඡබ්බග්ගියා භන්තෙ භික්ඛූ භික්ඛූනං භණ්ඩනජාතානං කලහජාතානං විවාදාපන්නානං පෙසුඤ්ඤං උපසංහරිංසු, තස්මිං භන්තෙ වත්ථුස්මිං පඤ්ඤත්තං.