වෙජ්ජාචරිය කණ්ඩ

286. ආයුබෙදකතාභ්‍යාසො, සබ්බෙසං පියදස්සනො;

අරියසීලගුණොපෙතො, එස වෙජ්ජො විධීයතෙ.

287. නානාගන්ථජානනඤ්ච, සුදිට්ඨකම්මසම්පදා;

දක්ඛතා හත්ථසීඝතා, පසාදසූරසත්තිතා.

288. සාභාවිකතඞ්ඛණික-ඤාණසුභාසිතාපි ච;

උස්සාහො දබ්බො සබ්බතා, වෙජ්ජාචෙරස්ස ලක්ඛණං;

289. කිලිට්ඨවත්ථං කොධො ච, අතිමානඤ්ච ගම්මතා;

අනිමන්තිතගමනං, එතෙ පඤ්ච විවජ්ජියා.

290. දිට්ඨකම්මතා සොචඤ්ච, දක්ඛතා විදිතාගමො;

චත්තාරො සුභිසක්කස්ස, සුගුණා විඤ්ඤුනා මතා.

291. රුජාය ජයලක්ඛණං, රසො ච භෙසජ්ජම්පි ච;

තිලක්ඛණභෙදො චෙව, විඤ්ඤෙය්‍යො භිසක්කෙන වෙ.