4. චතුත්ථවග්ගො

219. ‘‘එතදග්ගං, භික්ඛවෙ, මම සාවකානං භික්ඛූනං බහුස්සුතානං යදිදං ආනන්දො’’.

220. … සතිමන්තානං යදිදං ආනන්දො.

221. … ගතිමන්තානං යදිදං ආනන්දො.

222. … ධිතිමන්තානං යදිදං ආනන්දො.

223. … උපට්ඨාකානං යදිදං ආනන්දො.

224. … මහාපරිසානං යදිදං උරුවෙලකස්සපො.

225. … කුලප්පසාදකානං යදිදං කාළුදායී.

226. … අප්පාබාධානං යදිදං බාකුලො [බක්කුලො (සී. ස්‍යා. කං. පී.)].

227. … පුබ්බෙනිවාසං අනුස්සරන්තානං යදිදං සොභිතො.

228. … විනයධරානං යදිදං උපාලි.

229. … භික්ඛුනොවාදකානං යදිදං නන්දකො.

230. … ඉන්ද්‍රියෙසු ගුත්තද්වාරානං යදිදං නන්දො.

231. … භික්ඛුඔවාදකානං යදිදං මහාකප්පිනො.

232. … තෙජොධාතුකුසලානං යදිදං සාගතො.

233. … පටිභානෙය්‍යකානං යදිදං රාධො.

234. … ලූඛචීවරධරානං යදිදං මොඝරාජාති.

වග්ගො චතුත්ථො.