၃. ဆေဒနကာဒိ

၃၃၇. ကတိ ဆေဒနကာနိ? ကတိ ဘေဒနကာနိ? ကတိ ဥဒ္ဒါလနကာနိ? ကတိ အနညပါစိတ္တိယာနိ? ကတိ ဘိက္ခုသမ္မုတိယော? ကတိ သာမီစိယော? ကတိ ပရမာနိ?

ကတိ ဇာနန္တိ ပညတ္တာ၊ ဗုဒ္ဓေနာဒိစ္စဗန္ဓုနာ.

ဆ ဆေဒနကာနိ. ဧကံ ဘေဒနကံ. ဧကံ ဥဒ္ဒါလနကံ. စတ္တာရိ အနညပါစိတ္တိယာနိ. စတဿော ဘိက္ခုသမ္မုတိယော. သတ္တ သာမီစိယော. စုဒ္ဒသ ပရမာနိ.

သောဒသ [သောဠသ (သီ. သျာ.) အဋ္ဌကထာ ဩလောကေတဗ္ဗာ] ဇာနန္တိ ပညတ္တာ၊ ဗုဒ္ဓေနာဒိစ္စဗန္ဓုနာ.