၆. ဧဠကလောမသမုဋ္ဌာနံ

၂၆၃. ဧဠကလောမာ ဒွေ သေယျာ၊ အာဟစ္စ ပိဏ္ဍဘောဇနံ၊

ဂဏဝိကာလသန္နိဓိ၊ ဒန္တပေါနေန စေလကာ.

ဥယျုတ္တံ သေနံ [ဥယျုတ္တံ ဝသေ (သျာ.)] ဥယျောဓိ၊ သုရာ ဩရေန နှာယနာ၊

ဒုဗ္ဗဏ္ဏေ ဒွေ ဒေသနိကာ၊ လသုဏုပတိဋ္ဌေ နစ္စနာ.

နှာနမတ္ထရဏံ သေယျာ၊ အန္တောရဋ္ဌေ တထာ ဗဟိ၊

အန္တောဝဿံ စိတ္တာဂါရံ၊ အာသန္ဒိ သုတ္တကန္တနာ.

ဝေယျာဝစ္စံ သဟတ္ထာ စ၊ အဘိက္ခုကာဝါသေန စ၊

ဆတ္တံ ယာနဉ္စ သံဃာဏိံ၊ အလင်္ကာရံ ဂန္ဓဝါသိတံ.

ဘိက္ခုနီ သိက္ခမာနာ စ၊ သာမဏေရီ ဂိဟိနိယာ၊

အသံကစ္စိကာ အာပတ္တိ၊ စတ္တာရီသာ စတုတ္တရိ.

ကာယေန န ဝါစာစိတ္တေန၊ ကာယစိတ္တေန န ဝါစတော၊

ဒွိသမုဋ္ဌာနိကာ သဗ္ဗေ၊ သမာ ဧဠကလောမိကာတိ.

ဧဠကလောမသမုဋ္ဌာနံ နိဋ္ဌိတံ.