၁၄၆. တဿုဒ္ဒါနံ

ဝဿံဝုဋ္ဌာ ကောသလေသု၊ အဂမုံ သတ္ထု ဒဿနံ၊

အဖာသုံ ပသုသံဝါသံ၊ အညမညာနုလောမတာ.

ပဝါရေန္တာ ပဏာမဉ္စ [ပဝါရေန္တာသနေ ဒွေ စ (သီ. သျာ.)]၊ ကမ္မံ ဂိလာနဉာတကာ၊

ရာဇာ စောရာ စ ဓုတ္တာ စ၊ ဘိက္ခုပစ္စတ္ထိကာ တထာ.

ပဉ္စ စတုတယော ဒွေကော၊ အာပန္နော ဝေမတီ သရိ၊

သဗ္ဗော သံဃော ဝေမတိကော၊ ဗဟူ သမာ စ ထောကိကာ.

အာဝါသိကာ စာတုဒ္ဒသ၊ လိင်္ဂသံဝါသကာ ဥဘော၊

ဂန္တဗ္ဗံ န နိသိန္နာယ၊ ဆန္ဒဒါနေ ပဝါရဏာ [ဆန္ဒဒါနပဝါရဏာ (က.)].

သဝရေဟိ ခေပိတာ မေဃော၊ အန္တရာ စ ပဝါရဏာ၊

န ဣစ္ဆန္တိ ပုရမှာကံ၊ အဋ္ဌပိတာ စ ဘိက္ခုနော.

ကိမှိ ဝါတိ ကတမဉ္စ၊ ဒိဋ္ဌေန သုတသင်္ကာယ၊

စောဒကော စုဒိတကော စ၊ ထုလ္လစ္စယံ ဝတ္ထု ဘဏ္ဍနံ၊

ပဝါရဏာသင်္ဂဟော စ၊ အနိဿရော ပဝါရယေတိ.

ဣမမှိ ခန္ဓကေ ဝတ္ထူနိ ဆစတ္တာရီသာတိ.

ပဝါရဏာက္ခန္ဓကော နိဋ္ဌိတော.