၆၂. ဂဗ္ဘဝီသူပသမ္ပဒါနုဇာနနာ

၁၂၄. တေန ခေါ ပန သမယေန အာယသ္မာ ကုမာရကဿပေါ ဂဗ္ဘဝီသော ဥပသမ္ပန္နော အဟောသိ. အထ ခေါ အာယသ္မတော ကုမာရကဿပဿ ဧတဒဟောသိ – ‘‘ဘဂဝတာ ပညတ္တံ ‘န ဦနဝီသတိဝဿော ပုဂ္ဂလော ဥပသမ္ပာဒေတဗ္ဗော’တိ. အဟဉ္စမှိ ဂဗ္ဘဝီသော ဥပသမ္ပန္နော. ဥပသမ္ပန္နော နု ခေါမှိ၊ နနု ခေါ ဥပသမ္ပန္နော’’တိ? ဘဂဝတော ဧတမတ္ထံ အာရောစေသုံ. ယံ၊ ဘိက္ခဝေ၊ မာတုကုစ္ဆိသ္မိံ ပဌမံ စိတ္တံ ဥပ္ပန္နံ၊ ပဌမံ ဝိညာဏံ ပါတုဘူတံ၊ တဒုပါဒါယ သာဝဿ ဇာတိ. အနုဇာနာမိ၊ ဘိက္ခဝေ၊ ဂဗ္ဘဝီသံ ဥပသမ္ပာဒေတုန္တိ.