၈. နိယာမောက္ကန္တိကထာဝဏ္ဏနာ

၄၀၃. ပါရမီပူရဏန္တိ ဣဒံ ဗောဓိစရိယာယ ဥပလက္ခဏံ၊ န ပါရမီနံ ပုဏ္ဏဘာဝဒဿနံ. တေန တေသံ အာရမ္ဘသမာဒါနာဒီနမ္ပိ သင်္ဂဟော ကတောတိ ဒဋ္ဌဗ္ဗံ. မဟာဘိနီဟာရတော ပဋ္ဌာယ ဟိ မဟာသတ္တာ နိယတာတိ ဝုစ္စန္တိ. ယထာဟ – ‘‘ဧဝံ သဗ္ဗင်္ဂသမ္ပန္နာ၊ ဗောဓိယာ နိယတာ နရာ’’တိ၊ ‘‘ဓုဝံ ဗုဒ္ဓေါ ဘဝိဿတီ’’တိ စ၊ န နိယာမဿ နာမ ကဿစိ ဓမ္မဿ ဥပ္ပန္နတ္တာ ဗျာကရောန္တိ၊ အထ ခေါ ဧကံသေနာယံ ပါရမိယော ပူရေတွာ ဗုဒ္ဓေါ ဘဝိဿတီတိ ကတွာ ဗျာကရောန္တီတိ ပရဝါဒီပရိကပ္ပိတံ ဓမ္မန္တရံ ပဋိသေဓေတိ၊ န ဗောဓိယာ နိယတတ္တံ. တေနာဟ ‘‘ကေဝလဉှိ န’’န္တိအာဒိ.

နိယာမောက္ကန္တိကထာဝဏ္ဏနာ နိဋ္ဌိတာ.