၁၄. အဘိညာနုယောဂဝဏ္ဏနာ

၁၉၃. ဝိကုဗ္ဗတီတိ ဧတ္ထ ဣတိ-သဒ္ဒေါ အာဒိအတ္ထော၊ ပကာရတ္ထော ဝါ. တေန ‘‘ဒိဗ္ဗာယ သောတဓာတုယာ သဒ္ဒံ သုဏာတီ’’တိအာဒိကံ သင်္ဂဏှာတိ. အဘိညာနုယောဂေါ ဒဋ္ဌဗ္ဗောတိ ယောဇနာ. တဒဘိညာဝတောတိ အာသဝက္ခယာဘိညာဝတော. အရဟတော သာဓနန္တိ အရဟတော သစ္စိကဋ္ဌပရမတ္ထေန ပုဂ္ဂလတ္တာဘာဝသာဓနံ. တဗ္ဘာဝဿာတိ အရဟတ္တဿ. အရဟတ္တဓာရာနဉှိ ခန္ဓာ နာမ ပုဂ္ဂလတ္တံ တဿပိ ဟောတီတိ.

အဘိညာနုယောဂဝဏ္ဏနာ နိဋ္ဌိတာ.