၂. နတ္ထိအရဟတောအကာလမစ္စူတိကထာဝဏ္ဏနာ

၇၈၀. အလဒ္ဓဝိပါကဝါရာနန္တိ ဝိပါကဒါနံ ပတိ အလဒ္ဓေါကာသာနံ. ဗျန္တီဘာဝန္တိ ဝိဂတန္တတံ၊ ဝိဂမံ အဝိပါကန္တိ အတ္ထော.

၇၈၁. တတော ပရန္တိ ဗျတိရေကေန အတ္ထသိဒ္ဓိ၊ န ကေဝလေန အနွယေနာတိ အာဟ ‘‘တာဝ န ကမတိ၊ တတော ပရံ ကမတီတိ လဒ္ဓိယာ ပဋိက္ခိပတီ’’တိ. တတ္ထ တတော ပရန္တိ ပုဗ္ဗေ ကတဿ ကမ္မဿ ပရိက္ခယဂမနတော ပရံ. နတ္ထိ ပါဏာတိပါတော ပါဏာတိပါတလက္ခဏာဘာဝတောတိ အဓိပ္ပါယော. တမေဝ လက္ခဏာဘာဝံ ဒဿေတုံ ‘‘ပါဏောပါဏသညိတာ’’တိအာဒိ ဝုတ္တံ. တတ္ထ န တေနာတိ ယော ပရေန ဥပက္ကမော ကတော၊ တေန ဥပက္ကမေန န မတော၊ ဓမ္မတာမရဏေနေဝ မတောတိ ဒုဗ္ဗိညေယျံ အဝိသေသဝိဒူဟိ၊ ဒုဗ္ဗိညေယျံ ဝါ ဟောတု သုဝိညေယျံ ဝါ၊ အင်္ဂပါရိပူရိယာဝ ပါဏာတိပါတော.

နတ္ထိအရဟတောအကာလမစ္စူတိကထာဝဏ္ဏနာ နိဋ္ဌိတာ.