၉. တတိယသညာဝေဒယိတကထာဝဏ္ဏနာ

၇၃၂. ယဒိပိ သေသံ နာမ ဂဟိတတော အညံ၊ တထာပိ ပကရဏပရိစ္ဆိန္နမေဝေတ္ထ တံ ဂယှတီတိ ဒဿေန္တော ‘‘ယေသံ။ပေ။ အဓိပ္ပါယော’’တိ ဝတွာ ပုန အနဝသေသမေဝ သင်္ဂဏှန္တော ‘‘အသညသတ္တာနမ္ပိ စာ’’တိအာဒိမာဟ. တတ္ထ သဗ္ဗသတ္တေ သန္ဓာယာတိ အဓိပ္ပါယောတိ ယောဇနာ. ပါဏိသမ္ဖဿာပိ ကမန္တီတိအာဒိကံ သရီရပကတီတိ သမ္ဗန္ဓော.

၇၃၃-၇၃၄. ပဉ္စဟိ ဝိညာဏေဟိ န စဝတိ၊ န ဥပပဇ္ဇတီတိ ဝါဒံ ပရဝါဒီ နာနုဇာနာတီတိ အာဟ ‘‘သုတ္တ။ပေ။ ဝတ္တဗ္ဗ’’န္တိ.

တတိယသညာဝေဒယိတကထာဝဏ္ဏနာ နိဋ္ဌိတာ.