၂. ဥဇ္ဇဂ္ဃိကဝဂ္ဂဝဏ္ဏနာ

၅၈၆. ဒုတိယဝဂ္ဂါဒိဥဇ္ဇဂ္ဃိကအပ္ပသဒ္ဒေသု နိသီဒနပဋိသံယုတ္တေသုပိ ဝါသူပဂတဿ အနာပတ္တိ န ဝုတ္တာ၊ ကာယပ္ပစာလကာဒီသု ဧဝ ပန ဝုတ္တာ. ပါဠိပေါတ္ထကေသု ပနေတံ ကေသုစိ ပေယျာလေန ဗျာမောဟိတတ္တာ န သုဋ္ဌု ဝိညာယတိ. ယတ္ထ စ အန္တရဃရေ ဓမ္မံ ဝါ ဒေသေန္တဿ၊ ပါတိမောက္ခံ ဝါ ဥဒ္ဒိသန္တဿ မဟာသဒ္ဒေန ယာဝပရိသသာဝနေပိ အနာပတ္တိ ဧဝါတိ ဒဋ္ဌဗ္ဗံ တထာ အာနန္ဒတ္ထေရမဟိန္ဒတ္ထေရာဒီဟိ အာစရိတတ္တာ.

ဥဇ္ဇဂ္ဃိကဝဂ္ဂဝဏ္ဏနာ နိဋ္ဌိတာ.