၃. ဟသဓမ္မသိက္ခာပဒဝဏ္ဏနာ
၃၃၈. တတိယေ ပါဠိယံ ဟသဓမ္မေ ဟသဓမ္မသညီတိအာဒီသု ဥပ္လဝါဒိမတ္တံ ကိံ ဟသဓမ္မော ဟောတီတိ ဂဟဏဝသေန သတိ ကရဏီယေ ကရိယမာနံ ဟသဓမ္မံ ဟသဓမ္မောတိ ဂဟဏဝသေန အတ္ထော ဝေဒိတဗ္ဗော. ဥဿာရေန္တောတိ ဥဒကေ ဌိတံ နာဝံ တီရေ အာရောပေန္တော.
ပတနုပ္ပတနဝါရေသူတိ ဥဒကဿ ဥပရိတလေ မဏ္ဍူကဂတိယာ ပတနုပ္ပတနဝသေန ဂမနတ္ထံ ခိတ္တာယ ဧကိဿာ ကထလာယ ဝသေန ဝုတ္တံ. ဥဒကဿ ဥပရိဂေါပ္ဖကတာ၊ ဟသာဓိပ္ပါယေန ကီဠနန္တိ ဒွေ အင်္ဂါနိ.
ဟသဓမ္မသိက္ခာပဒဝဏ္ဏနာ နိဋ္ဌိတာ.