၈. အဋ္ဌမသံဃာဒိသေသသိက္ခာပဒဝဏ္ဏနာ

၇၁၅. ပစ္စာကတာတိ ပရာဇိတာ. ကုလဒူသကသိက္ခာပဒဿ၊ ဣမဿ စ နိဒါနမတ္တမေဝ နာနာကရဏံ. ဝုတ္တဉှိ တတ္ထ ‘‘တဿ ဝစနဿ ပဋိနိဿဂ္ဂါယ ဧဝ ဝစနီယော၊ န ကုလဒူသနနိဝါရဏတ္ထာယာ’’တိ. ဧဝံ သန္တေ ဥဘောပေတာ အာပတ္တိယော အညမညံ သဘာဂတ္ထာ၊ တသ္မာ ဣဒံ တဿ အနုပညတ္တိသဒိသံ အာပဇ္ဇတိ၊ တတော ဣဒံ နိရတ္ထကမေဝ အာပဇ္ဇတီတိ? န ဧဝံ ဒဋ္ဌဗ္ဗံ. ဝတ္ထုဝိသေသတော၊ ကမ္မဝါစာဝိသေသတော စ ဥဘိန္နံ နာနာကရဏံ.

အဋ္ဌမသံဃာဒိသေသသိက္ခာပဒဝဏ္ဏနာ နိဋ္ဌိတာ.