၁၁. သဘိယကစ္စာနသုတ္တဝဏ္ဏနာ
၄၂၀. ယဿပ’ဿာတိ ပါဌဿ အယံ ပိဏ္ဍတ္ထော ‘‘အာဝုသော’’တိအာဒိ. တတ္ထာယံ သမ္ဗန္ဓော – အာဝုသော၊ ယဿပိ ပုဂ္ဂလဿ တီဏိ ဝဿာနိ ဝုဋ္ဌော၊ ဧတ္တကေန ကာလေန ‘‘ဟေတုမှိ သတိ ရူပီတိအာဒိပညာပနာ ဟောတိ၊ အသတိ န ဟောတီ’’တိ ဧတ္တကံ ဗျာကရဏံ ဘဝေယျ၊ တဿ ပုဂ္ဂလဿ ဧတ္တကမေဝ ဗဟု၊ ကော ပန ဝါဒေါ အတိက္ကန္တေ! ဣတော အတိက္ကန္တေ ဓမ္မဒေသနာနယေ ဝါဒေါယေဝ ဝတ္တဗ္ဗမေဝ နတ္ထီတိ ထေရဿ ပဉှဗျာကရဏံ သုတွာ ပရိဗ္ဗာဇကော ပီတိသောမနဿံ ပဝေဒေသိ.
သဘိယကစ္စာနသုတ္တဝဏ္ဏနာ နိဋ္ဌိတာ.
အဗျာကတသံယုတ္တဝဏ္ဏနာ နိဋ္ဌိတာ.