၄-၆. ဂေါမယပိဏ္ဍသုတ္တာဒိဝဏ္ဏနာ

၉၆-၉၈. သဿတံ သဗ္ဗကာလံ ယာဝ ကပ္ပဝုဋ္ဌာနာ ဟောန္တီတိ သဿတိယော၊ သိနေရုအာဒယော. တာဟိ သမံ သမကာလံ. အနေနာတိ ဘဂဝတာ. နယိဒန္တိ ဧတ္ထ ယ-ကာရော ပဒသန္ဓိကရော၊ ဣဒန္တိ နိပါတပဒံ. တံ ပန ယေန ယေန သမ္ဗန္ဓီယတိ၊ တံ တိလိင်္ဂေါဝ ဟောတီတိ ‘‘အယံ မဂ္ဂဗြဟ္မစရိယဝါသော’’တိ ဝုတ္တံ. ‘‘န ပညာယေယျာ’’တိ ဝတွာ တမတ္ထံ ဝိဝရိတုံ ‘‘မဂ္ဂေါ ဟီ’’တိအာဒိ ဝုတ္တံ. ဝိဝဋ္ဋေန္တောတိ ဝိနိဝဋ္ဋေန္တော အပ္ပဝတ္တိံ ကရောန္တော.

ရာဇဓာနီတိ ရညော နိဝါသနဂရံ. သုတ္တမယန္တိ စိတ္တဝဏ္ဏဝဋ္ဋိကာမယံ.

ဂေါမယပိဏ္ဍသုတ္တာဒိဝဏ္ဏနာ နိဋ္ဌိတာ.