၁၀. ဗိဠာရသုတ္တဝဏ္ဏနာ

၂၃၂. ဃရာနံ သန္ဓီတိ ဃရေန ဃရဿ သမ္ဗန္ဓဋ္ဌာနံ. သဟ မလေန ဝတ္တတီတိ သမလံ. ဂေဟတော ဂါမတော စ နိက္ခမနစန္ဒနိကဋ္ဌာနံ. သင်္ကာရဋ္ဌာနန္တိ သင်္ကာရကူဋံ. ကေစိ ‘‘သန္ဓိသင်္ကာရကူဋဋ္ဌာန’’န္တိ ဝဒန္တိ. ဝုဋ္ဌာနန္တိ အာပန္နအာပတ္တိတော၊ န ကိလေသတော ဝုဋ္ဌာနံ၊ သုဒ္ဓန္တေ အဓိဋ္ဌာနံ. တံ ပန ယထာအာပန္နာယ အာပတ္တိယာ ‘‘ဒေသနာ’’တွေဝ ဝုစ္စတီတိ အာဟ ‘‘ဒေသနာ ပညာယတီ’’တိ.

ဗိဠာရသုတ္တဝဏ္ဏနာ နိဋ္ဌိတာ.