၅. ဩကိလိနီသုတ္တဝဏ္ဏနာ

၂၁၆. ဥဒ္ဓံ ဥဒ္ဓံ အဂ္ဂိနာ ပက္ကသရီရတာယ ဥပ္ပက္ကံ. ဟေဋ္ဌတော ပဂ္ဃရဏဝသေန ကိလိန္နသရီရတာယ ဩကိလိနီ. ဣတော စိတော စ အင်္ဂါရသမ္ပရိကိဏ္ဏတာယ ဩကိရိနီ. တေနာဟ ‘‘သာ ကိရာ’’တိအာဒိ. အင်္ဂါရစိတကေတိ အင်္ဂါရသဉ္စယေ. သရီရတော ပဂ္ဃရန္တိ အသုစိဒုဂ္ဂန္ဓဇေဂုစ္ဆာနိ သေဒဂတာနိ. တဿ ကိရ ရညောတိ တဿ ကာလိင်္ဂဿ ရညော. နာဋကိနီတိ နစ္စေ အဓိကတာ ဣတ္ထီ. သေဒန္တိ သေဒနံ၊ တာပနန္တိ အတ္ထော.

ဩကိလိနီသုတ္တဝဏ္ဏနာ နိဋ္ဌိတာ.