၁၀. သဂါထကသုတ္တဝဏ္ဏနာ

၁၆၆. ‘‘ယဿ သက္ကရိယမာနဿာ’’တိ ဧတ္ထ အသက္ကာရေန စူဘယန္တိ အသက္ကာရေန စ ဥဘယဉ္စ၊ ကဒါစိ သက္ကာရေန၊ ကဒါစိ အသက္ကာရေန ကဒါစိ ဥဘယေနာတိ အတ္ထော. တေနာဟ ‘‘အသက္ကာရေနာ’’တိအာဒိ. သတတဝိဟာရာနံ သမ္ပတ္တိယာ သာတတိကောတိ အာဟ ‘‘အရဟတ္တ။ပေ။ သုခုမဒိဋ္ဌီ’’တိအာဒိ. တထာ ဟိ သာ ‘‘ဝဇိရူပမဉာဏ’’န္တိ ဝုစ္စတိ. အာဂတတ္တာတိ ဖလသမာပတ္တိံ သမာပဇ္ဇိတုံ တဿာ ပုဗ္ဗပရိကမ္မံ ဥပဂတတ္တာ.

သဂါထကသုတ္တဝဏ္ဏနာ နိဋ္ဌိတာ.

ပဌမဝဂ္ဂဝဏ္ဏနာ နိဋ္ဌိတာ.