၆. လကုဏ္ဍကဘဒ္ဒိယသုတ္တဝဏ္ဏနာ

၂၄၀. ဝိရူပသရီရဝဏ္ဏန္တိ အသုန္ဒရဆဝိဝဏ္ဏဉ္စေဝ အသုန္ဒရသဏ္ဌာနဉ္စ. ပမာဏဝသေနာတိ သရီရပ္ပမာဏဝသေန. ဣစ္ဆိတိစ္ဆိတန္တိ အတ္တနာ ဣစ္ဆိတိစ္ဆိတံ. မဟာသာရဇ္ဇန္တိ မဟန္တော မင်္ကုဘာဝေါ.

ဂုဏေ အာဝဇ္ဇေတွာတိ အတ္တနာ ဇာနနကနိယာမေန သတ္ထုနော ကာယဂုဏေ စ စာရိတ္တဂုဏေ စ အာဝဇ္ဇေတွာ မနသိ ကတွာ.

ယောဇနာဝဋ္ဋန္တိ ယောဇနပရိက္ခေပံ.

‘‘ကာယသ္မီ’’တိ ဂါထာသုခတ္ထံ နိရနုနာသိကံ ကတွာ နိဒ္ဒေသောတိ ဝုတ္တံ ‘‘ကာယသ္မိ’’န္တိ. အကာရဏံ ကာယပ္ပမာဏန္တိ သရီရပ္ပမာဏံ နာမ အပ္ပမာဏံ၊ သီလာဒိဂုဏာဝ ပမာဏန္တိ အဓိပ္ပါယော.

လကုဏ္ဍကဘဒ္ဒိယသုတ္တဝဏ္ဏနာ နိဋ္ဌိတာ.