၄. ဗိလင်္ဂိကသုတ္တဝဏ္ဏနာ

၁၉၀. သုဒ္ဓန္တိ ကေဝလံ သမ္ဘာရဝိရဟိတံ. သမ္ဘာရယုတ္တန္တိ ကဋုကဘဏ္ဍာဒိသမ္ဘာရသဟိတံ. ကဉ္ဇိတော နိဗ္ဗတ္တတ္တာ ကဉ္ဇိကံ၊ အာရနာလံ၊ ဗိလင်္ဂန္တိ အတ္ထော. နာမံ ဂဟိတံ သင်္ဂီတိကာလေ ‘‘ဗိလင်္ဂိကဘာရဒွါဇော’’တိ ဝိသေသနဝသေန. တယောတိ ဓနဉ္ဇာနိယာ သာမိကော ဘာရဒွါဇော၊ အက္ကောသကဘာရဒွါဇော၊ အသုန္ဒရိကဘာရဒွါဇောတိ အာဒိတော တီသု သုတ္တေသု အာဂတာ တယော. မေတိ မယှံ.

ဗိလင်္ဂိကသုတ္တဝဏ္ဏနာ နိဋ္ဌိတာ.