၃. မဟာလိသုတ္တဝဏ္ဏနာ

၂၅၉. သောတိ သက္ကော ဒေဝရာဇာ. ဗဟုဝစနေ ဝတ္တဗ္ဗေ ဧကဝစနံ ဝုတ္တံ. ဝုစ္စတီတိ ဝစနံ၊ အတ္ထော. တသ္မာ ဗဟုဝစနေတိ ဗဟုမှိ အတ္ထေတိ အတ္ထော. ယထာ ပဋိပဇ္ဇန္တော အနုက္ကမေန တေ ဓမ္မေ သမာဒိယိတွာ သက္ကော သက္ကတ္တံ အဇ္ဈဂါ၊ တံ ပဋိပတ္တိံ ဒဿေတုံ ‘‘သက္ကော ကိရာ’’တိအာဒိ ဝုတ္တံ. အနန္တရေတိ သက္ကဘာဝဿ အတီတာနန္တရေ အတ္တဘာဝေ. တံ သဗ္ဗန္တိ သက္ကဿ မဃမာဏဝကာလေ သမ္မာပဋိပတ္တိံ၊ တာယ သက္ကဘာဝူပဂမနဉ္စာတိ တံ သဗ္ဗံ. ဝုတ္တော၊ တသ္မာ တတ္ထ ဝုတ္တနယေနေဝ ဝေဒိတဗ္ဗောတိ အဓိပ္ပါယော.

မဟာလိသုတ္တဝဏ္ဏနာ နိဋ္ဌိတာ.