၆. ကုလာဝကသုတ္တဝဏ္ဏနာ

၂၅၂. ရထသဒ္ဒေါတိ ရထာလင်္ကာရဘူတာနံ ကိင်္ကိဏိကဇာလာဒီနံ သဒ္ဒေါ. တထာ ဓဇသဒ္ဒေါ. အာဇာနီယသဒ္ဒေါတိ အာဇာနီယာနံ ဟသိတသဒ္ဒေါ စ. ကရုဏာသမာဝဇ္ဇိတဟဒယောတိ ပါဏာနံ အနုပရောဓေန ပဏာမိတစိတ္တော. ဤသာမုခေနာတိ ရထကပ္ပရမုခေန. ပုညပစ္စယနိဗ္ဗတ္တောတိ ဥဠာရံ သုဝိပုလံ ပုညံ ပစ္စယံ ကတွာ နိဗ္ဗတ္တော. န သဇ္ဇတိ ကတ္ထစိ အပ္ပဋိဃဋ္ဋနေန ဂစ္ဆန္တော. သိမ္ဗလိဝနေနာတိ သိမ္ဗလိဝနမဇ္ဈေန. ဝိဘဂ္ဂံ နိမ္မထိတန္တိ ဣတော စိတော ဝိဘဂ္ဂဉ္စေဝ နိရဝသေသတော မထိတဉ္စ ဟောတိ.

ကုလာဝကသုတ္တဝဏ္ဏနာ နိဋ္ဌိတာ.