၁၀. ဒသမသိက္ခာပဒံ

၉၇၃. ဒသမေ အဟုန္ဒရိကာတိ တသ္မိံ ကာလေ၊ ဒေသေ ဝါ သမ္ဗာဓဿ နာမမေတန္တိ အာဟ ‘‘အဟုန္ဒရိကာတိ သမ္ဗာဓာ’’တိ.

၉၇၅. ယထာ ‘‘ဥတ္တရိဆပ္ပဉ္စဝါစာဟီ’’တိ (ပါစိ. ၆၂-၆၅) ဧတ္ထ ပဉ္စသဒ္ဒေါ န ကောစိ အတ္ထော၊ ဝါစာသိလိဋ္ဌတ္ထံ လောကဝေါဟာရဝသေန ဝုတ္တော၊ န ဧဝမိဓ၊ ဣဓ ပန အတ္ထော အတ္ထိ၊ ပဉ္စ ယောဇနာနိ ဂစ္ဆန္တိယာပိ အနာပတ္တိယေဝါတိ အာဟ ‘‘ပဝါရေတွာ။ပေ။ အနာပတ္တီ’’တိ. ပစ္စာဂစ္ဆတီတိ ပဋိနိဝတ္တေတွာ အာဂစ္ဆတီတိ. ဒသမံ.

တုဝဋ္ဋဝဂ္ဂေါ စတုတ္ထော.