၄. စတုတ္ထသိက္ခာပဒံ

၈၅၀. စတုတ္ထေ ကဏ္ဏဿ သမီပံ နိကဏ္ဏံ၊ တမေဝ နိကဏ္ဏိကန္တိ ဝုတ္တေ ကဏ္ဏမူလန္တိ အာဟ ‘‘ကဏ္ဏမူလံ ဝုစ္စတီ’’တိ. ‘‘ကဏ္ဏမူလေ’’တိ ဣမိနာ ‘‘နိကဏ္ဏိက’’န္တိ ဧတ္ထ ဘုမ္မတ္ထေ ဥပယောဂဝစနန္တိ ဒဿေတိ. အာဟရဏတ္ထာယာတိ အာဟရာပနတ္ထာယာတိ. စတုတ္ထံ.

၅. ပဉ္စမသိက္ခာပဒံ

၈၅၄. ပဉ္စမေ တေသန္တိ ဃရသာမိကာနံ. ဃရမ္ပီတိ န ကေဝလံ အာသနမေဝ၊ ဃရမ္ပိ သောဓေမာတိ အတ္ထော. တတောတိ ပရိဝိတက္ကနတော၊ ပရန္တိ သမ္ဗန္ဓော.

၈၅၈. စောရာ ဝါ ဥဋ္ဌိတာ ဟောန္တီတိ ယောဇနာတိ. ပဉ္စမံ.