၁. ပဌမသိက္ခာပဒ-အတ္ထယောဇနာ

၈၃၉. အန္ဓကာရဝဂ္ဂဿ ပဌမေ အပ္ပဒီပေတိ ဥပလက္ခဏဝသေန ဝုတ္တတ္တာ အညေပိ အာလောကာ ဂဟေတဗ္ဗာတိ ဒဿေန္တော အာဟ ‘‘ပဒီပစန္ဒသူရိယအဂ္ဂီသူ’’တိအာဒိ. အဿာတိ ‘‘အပ္ပဒီပေ’’တိပဒဿ.

၈၄၁. နရဟောအဿာဒါပေက္ခာ ဟုတွာ စ ရဿာဒတော အညဝိဟိတာဝ ဟုတွာ စာတိ ယောဇနာ. ဣမိနာ ‘‘သန္တိဋ္ဌတိ ဝါ သလ္လပတိ ဝါ’’တိ ပဒေ ကိရိယာဝိသေသနဘာဝံ ဒဿေတိ. ဒါနေန ဝါ နိမိတ္တဘူတေန၊ ပူဇာယ ဝါ နိမိတ္တဘူတာယ မန္တေတီတိ ယောဇနာတိ. ပဌမံ.