၂၀. အဝန္ဒိယနိဒ္ဒေသဝဏ္ဏနာ

၁၇၂. ဥက္ခိတ္တောတိ အာပတ္တိယာ အဒဿနေ အပ္ပဋိကမ္မေ စ ဥက္ခိတ္တကော ပါပိကာယ ဒိဋ္ဌိယာ အပ္ပဋိနိဿဂ္ဂေ ဥက္ခိတ္တကောတိ တိဝိဓော ဥက္ခိတ္တကော. နာနာသံဝါသကော နာမ လဒ္ဓိနာနာသံဝါသကောပိ ကမ္မနာနာသံဝါသကောပိ. ဂရုကဋ္ဌော စာတိ ပါရိဝါသိကော မူလာယပဋိကဿနာရဟော မာနတ္တာရဟော မာနတ္တစာရီ အဗ္ဘာနာရဟော စ ဣဓ ဂရုကဋ္ဌောတိ အဓိပ္ပေတော. ဣမေဟိ ပန အညမညံ ဝန္ဒိတုံ ဝဋ္ဋတီတိ.

အဝန္ဒိယနိဒ္ဒေသဝဏ္ဏနာ နိဋ္ဌိတာ.