၂၃. အနောလောကိယနိဒ္ဒေသဝဏ္ဏနာ

၁၈၁. ဣတ္ထိယာတိ တဒဟုဇာတာယပိ ဒါရိကာယ. အာဒါသေ (စူဠဝ. ၂၄၇) ဝါ ဥဒကပတ္တေ ဝါ အတ္တနော မုခံ အဝလောကေယျ၊ အဿ ဒုက္ကဋန္တိ သမ္ဗန္ဓော. ‘‘အနုဇာနာမိ၊ ဘိက္ခဝေ၊ အာဗာဓပစ္စယာ အာဒါသေ ဝါ ဥဒကပတ္တေ ဝါ မုခနိမိတ္တံ ဩလောကေတု’’န္တိ (စူဠဝ. ၂၄၇) ဝုတ္တတ္တာဝဏာဒီနိ ဝါ ‘‘ဇိဏ္ဏော နု ခေါမှိ၊ နော ဝါ’’တိ ဧဝံ အာယုသင်္ခါရံ ဝါ ဩလောကေတုံ ဝဋ္ဋတိ. အနောလောကိယဝိနိစ္ဆယော.

အနောလောကိယနိဒ္ဒေသဝဏ္ဏနာ နိဋ္ဌိတာ.