၂၉. မိစ္ဆာဇီဝဝိဝဇ္ဇနာနိဒ္ဒေသော
မိစ္ဆာဇီဝဝိဝဇ္ဇနာတိ –
၂၀၉. ဒါရုံ ဝေဠုံ ဖလံ ပုပ္ဖံ၊ စုဏ္ဏံ နှာနမုခေါဒကံ၊
မတ္တိကာဒန္တကဋ္ဌာဒိံ၊ န ဒဒေ ကုလသင်္ဂဟာ.
၂၁၀. ပါရိဘဋကတာမုဂ္ဂ-သူပျတာဝတ္ထုဝိဇ္ဇယာ၊
ပဟေဏဒူတကမ္မေန၊ ဇင်္ဃပေသနိယေန ဝါ.
၂၁၁. အနုပ္ပဒါနပ္ပဋိပိဏ္ဍ-ဝေဇ္ဇကမ္မေန ဝါ ပန၊
နာညေန ဝါပိ သမ္ဗုဒ္ဓပ္ပဋိကုဋ္ဌေန ဇီဝယေ.
၂၁၂. ဝိညတ္တိနေသနာဘူတုလ္လပနာကုဟနာဒိဟိ၊
ကုလဒူသာဒိနုပ္ပန္နပစ္စယေ ပရိဝဇ္ဇယေတိ.