၁၂. ပရိဏာမနသိက္ခာပဒဝဏ္ဏနာ

ဧကော ဘိက္ခု ဥက္ခိတ္တကဿ ဒါတုကာမော ဟောတိ၊ တဿ ဒါနံ နိဝါရေတွာ အညဿ ဒါပေတိ၊ အနာပတ္တိ. တထာ သဒ္ဓါဒေယျဝိနိပါတနံ ကရောန္တဿ ဒါပေတိ၊ အတ္တနော နိဿိတကာ ဣတ္ထန္နာမဿ ပတ္တံ ဒါတုကာမာ အာပုစ္ဆန္တိ၊ ‘‘ဝိသဘာဂေါ ဧသော၊ သဘာဂဿ ဒေဟီ’’တိ ဝဒတိ. အနာပတ္တိ အတ္တနော ဘာရဘူတတ္တာ. တဿ ပန ဒါတုကာမံ အညဿ ဒါပေတိ၊ အာပတ္တိ ဧဝ. သဗ္ဗတ္ထ အာပုစ္ဆိတွာ ဒါတုကာမံ ယထာသုခံ ဝိစာရေတုံ လဘတိ.

ပရိဏာမနသိက္ခာပဒဝဏ္ဏနာ နိဋ္ဌိတာ.

သဟဓမ္မိကဝဂ္ဂေါ အဋ္ဌမော.