၁၀. ကဏ္ဋကသိက္ခာပဒဝဏ္ဏနာ

‘‘အယံ သမဏုဒ္ဒေသော ပါရာဇိကော ဟောတိ. သစေ တံ ဒိဋ္ဌိံ ပဋိနိဿဇ္ဇတိ၊ သံဃဿ အာရောစေတွာ သံဃာနုမတိယာ ပဗ္ဗာဇေတဗ္ဗော’’တိ ပေါရာဏဂဏ္ဌိပဒေ ဝုတ္တံ၊ တံ န ယုတ္တံ. ဒဏ္ဍကမ္မနာသနာ ဟိ ဣဓာဓိပ္ပေတာ. ယဒိ သော ပါရာဇိကော ဟောတိ၊ လိင်္ဂနာသနာ နာမ သိယာ. ‘‘တေ ပဋိသေဝတော နာလံ အန္တရာယာယာ’’တိ စ ဒိဋ္ဌိ သတ္ထရိ အသတ္ထာဒိဒိဋ္ဌိ န ဟောတိ. သစေ သာ ယဿ ဥပ္ပဇ္ဇတိ၊ သော ပါရာဇိကော ဟောတိ၊ တသ္မိမ္ပိ ဧဝမေဝ ပဋိပဇ္ဇိတဗ္ဗံ၊ သံဝရေ အတိဋ္ဌန္တော လိင်္ဂနာသနာယ နာသေတဗ္ဗောတိ (ဝဇိရ. ဋီ. ပါစိတ္တိယ ၄၂၈) အာစရိယဿ တက္ကော.

ကဏ္ဋကသိက္ခာပဒဝဏ္ဏနာ နိဋ္ဌိတာ.

သပ္ပါဏကဝဂ္ဂေါ သတ္တမော.