၉. ပဏီတဘောဇနသိက္ခာပဒဝဏ္ဏနာ
‘‘တေသံ မံသဉ္စ ခီရဒဓီနိ စ ဣဓ အဓိပ္ပေတာနီ’’တိ ဣဒံ ပါစိတ္တိယဝတ္ထုပရိစ္ဆေဒေါ၊ န ပန ကပ္ပိယခီရာဒိပရိစ္ဆေဒေါ၊ တသ္မာ ယဿ ကဿစိ ခီရာဒီနိ ဝဋ္ဋန္တီတိ စ၊ ‘‘မဟာနာမသိက္ခာပဒေန ကာရေတဗ္ဗော’’တိ သံဃဝသေန ပဝါရိတေ ဘေသဇ္ဇတ္ထာယ သပ္ပိအာဒိဘေသဇ္ဇပဉ္စကံ ဝိညာပေတိ စေ၊ တတ္ထ ‘‘န ဘေသဇ္ဇကရဏီယေန ဘေသဇ္ဇံ ဝိညာပေတီ’’တိ ဧတ္ထ သင်္ဂဟံ ဂစ္ဆတိ၊ တသ္မာ ‘‘တေန ပါစိတ္တိယ’’န္တိ (ဝဇိရ. ဋီ. ပါစိတ္တိယ ၂၆၁) စ လိခိတံ.
ပဏီတဘောဇနသိက္ခာပဒဝဏ္ဏနာ နိဋ္ဌိတာ.