၁-၂. ဆတ္တုပါဟနာဒိသိက္ခာပဒဝဏ္ဏနာ
ဝုတ္တလက္ခဏံ ဆတ္တန္တိ ‘‘ဆတ္တံ နာမ တီဏိ ဆတ္တာနိ – သေတစ္ဆတ္တံ၊ ကိလဉ္ဇစ္ဆတ္တံ၊ ပဏ္ဏစ္ဆတ္တံ မဏ္ဍလဗဒ္ဓံ၊ သလာကဗဒ္ဓ’’န္တိ (ပါစိ. ၁၁၈၁) ဧဝံ ပဒဘာဇနေ ဝုတ္တလက္ခဏံ ဆတ္တံ. တာဒိသံ ဌာနံ ပတွာတိ ဂစ္ဆကဒ္ဒမာဒီသု တံ တံ ဌာနံ ပတွာ.
ဆတ္တဿေဝါတိ ကဒ္ဒမာဒီနိ ပတွာ ဥပါဟနာ ဩမုဉ္စိတွာ ဆတ္တဿေဝ ဓာရဏံ. ဥပါဟနာနံယေဝ ဝါတိ ဂစ္ဆာဒီနိ ဒိသွာ ဆတ္တံ အပနာမေတွာ ဥပါဟနာနံယေဝ ဓာရဏံ.
ဒုတိယံ ဥတ္တာနတ္ထမေဝ.
ဆတ္တုပါဟနာဒိသိက္ခာပဒဝဏ္ဏနာ နိဋ္ဌိတာ.